20200331 MUSICA canto AroaBoga AnnaMelikhovaA Escola Municipal de Música de Rois continúa coa súa actividade, pese á complicada situación actual por causa da epidemia de COVID-19. A través do correo electrónico ou de videochamada, profesores e alumnos seguen en contacto, mantendo as clases do mellor xeito que é posible nestas circunstancias.

Trátase, segundo explica o director da ESMU, Manuel Villar, de "manter activo ao alumnado, pero sen saturalo". Así, as clases de instrumento individuais procuran manterse durante as mesmas horas fixadas no curso normal. A través de videochamadas, o profesorado dálles pautas aos alumnos e alumnas e consellos a seguir. Despois, os rapaces e rapazas gravan os seus exercicios e compártenos para que desde o claustro se lles poida facer seguimento.

No caso das aulas de linguaxe musical, destinadas ao alumnado de menor idade, envíanse exercicios por correo electrónico, poñéndose de acordo coas familias.

Segundo explica Villar, a receptividade "é moi boa, sobre todo por parte do alumnado adolescente, que é o máis activo". Desde a dirección da ESMU de Rois son conscientes de que "hai familias que teñen dificultades para acceder ás novas tecnoloxías e, en consecuencia, aos cursos". Nos casos nos que o ancho de banda non permite as clases online, búscanse medios alternativos, como envíos de material por mail.

Na canle de YouTube do Concello de Rois pode accederse a unha montaxe en vídeo dos ensaios do alumnado, que demostra como a música axuda a levantar o ánimo e manterse activo neste tempo de confinamento.

 

O Concello de Rois pon desde hoxe a disposición da veciñanza e do público en xeral unha serie de actividades físicas para todas as idades, elaboradas polos monitores e monitoras municipais das diferentes disciplinas deportivas. Con esta achega, o consistorio quere contribuír a que as persoas que sofren o confinamento por mor da pandemia de Covid-19 poidan manter a súa forma física e ocupen o tempo de forma creativa e positiva.

Trátase de táboas de exercicios de disciplinas como pilates, zumba, ioga e ximnasia para maiores de 55, que se irán publicando na páxina de Facebook do Concello periodicamente. O técnico municipal de deportes, Roberto Carlos Agrelo, recorda que nas circunstancias actuais "hai que darlle moita importancia ao exercicio, tanto a nivel físico como mental".

O Concello quere agradecer ao equipo de deportes a súa disposición para crear esta utilidade, e anima á veciñanza a sumarse á realización destes sinxelos exercicios que mellorarán a súa calidade de vida nuns días complicados.

Vídeos:

  • A petición do persoal, o venres colocaron unha mampara de cristal na parte administrativa do centro médico de Rois

 20200323 Desinfeccion edificios Rois Coronavirus2

Operarios do Concello de Rois están esta mañá a desinfectar as beirarrúas e o exterior dos edificios situados na capital municipal, como o concello e o centro de saúde, para colaborar na prevención da propagación do coronavirus Covid-19. Dende o venres á tarde e durante a fin de semana os operarios estiveron tamén desinfectando o interior tanto dos centros de saúde de Rois e de Urdilde como da casa consistorial.

20200323 Desinfeccion urdilde8 ok

Con estas medidas, dende o Concello quérese contribuír á loita contra o coronavirus Covid-19 evitando a súa propagación e os contaxios entre a poboación que teña que acudir tanto ao centro de saúde como ao Concello, ou deba pasar polo exterior de ambos centros.

Tanto en Rois como en Urdilde, os operarios municipais están desinfectando os exteriores dos centros máis concorridos: Concello, centros de saúde, farmacias, supermercados, etc.

Ademais destas medidas de desinfección con ozono, o pasado venres, e a petición do persoal do centro de saúde, o Concello de Rois colocou unha mampara de cristal nas dependencias administrativas do centro médico, para evitar o contacto directo entre o persoal que traballa nestas dependencias e a veciñanza que ten que acudir ao médico.

20200323 pantalla centro saude

20200323 Concursos por mail

O Concello de Rois decidiu modificar as bases do Certame Literario e o concurso de Carteis do Santo Isidro facilitando que as persoas que desexen participar e enviar os seus traballos o poidan mandar por correo electrónico nas datas establecidas e poder seguir a diante cos dous certames.

A prolongación do estado de alarma anunciado polo presidente do Goberno este domingo ata o 11 de abril, e o que motivou ao Concello de Rois a modificar as bases nos dous certames, para que os traballos se poidan enviar por correo electrónico dentro das datas establecidas.

Nos dous casos, aínda que se poidan presentar os traballos por mail, os gañadores de cada certame deberán presentar os traballos orixinais para poder recoller o premio.

As bases modificadas, e o boletín de inscrición pódense descargar nos documentos adxuntos.

O prazo para enviar os carteis para promocionar as Festas do Santo Isidro Labrador deberán remitirse antes do 14 de abril, ás 14.00 horas. Os autores deberán mandar unha fotografía do cartel e, noutro documento, o boletín de inscrición. Os carteis débense confeccionar en formato A-3 vertical.

Polo que respecta ao Certame Artístico e Literario. O prazo depresentación de traballos remata o 20 de abril.

 

  • O Concello pon a disposición das persoas máis vulnerables os teléfono 981 804 109 e 689 223 509

  • Os alcaldes de barrio están a interesarse pola situación das familias nas parroquias e distribuíndo un bando da alcaldía

 

O alcalde de Rois acaba de asinar un bando no que informa a cidadanía que dende o Concello se habilitarán medidas para tentar xestionar as necesidades máis urxentes da veciñanza. Protección Civil, os alcaldes de barrio de cada parroquia e os celadores (as persoas de referencia en cada aldea) van distribuír este bando polas casas e a interesarse pola situacións das persoas máis vulnerables, unha información que logo se trasladará ao concello para adoptar as medidas oportunas.

As persoas maiores que vivan soas ou aquelas familias que non teñan medios poderán chamar aos teléfono 981 804 109 ou ao móbil 689 223 509. “Dende o Concello vaise facer todo o posible para axudar a xestionar necesidades básicas, tales como alimentación ou medicación”, sinala o bando asinado esta mañá.

O alcalde solicita a colaboración da veciñanza, recordándolle que, nestes momentos difíciles e como consecuencia do estado de alarma pola crise do coronavirus, “debemos ser responsables e cumprir as obrigas impostas polo Goberno central”.

Seguindo as indicacións das autoridades sanitarias, Ramón Tojo lembra que non é recomendable acudir directamente ao hospital nin aos centros de saúde sen chamar antes ao teléfono gratuíto de información sobre o coronavirus 900 400 116. A chamada ao 061 debe deixar só para as urxencias e casos graves.