O Concello de Rois anuncia a exposición das listas do censo electoral, que se poderán consultar entre o 17 e o 24 de febreiro (ambos os dous inclusive), nas oficinas xerais do Concello en horario de 9.00 a 14.00 horas.

Para realizar a consulta presencial nas oficinas municipais ou presentar reclamacións é necesario identificarse co DNI, o carné de conducir ou, de ser o caso, a tarxeta de estranxeiría.

Tamén poden realizarse consultas nos teléfonos: 981 21 74 39, 981 21 74 26 e 901 101 900.

De forma telemática, os datos censais poden consultarse na páxina web do Instituto Nacional de Estadística (preme neste enlace) con certificado dixital ou con sistema Cl@ve.

O Concello recorda a importancia de que os mozos e mozas que veñan de cumprir os 18 anos comproben que figuran nas listas do censo.

O horario de atención ao público da Oficina do Censo Electoral é o seguinte: de luns a sábado, de 09.00 a 14.00 e o último día, 24 de febreiro, de 09.00 a 14.00 e de 16.00 a 18.00 horas.

 

A Deputación Provincial da Coruña vén de publicar no Boletín Oficial da Provincia a convocatoria de axudas para diferentes organismos e colectivos, así como a modificación das bases reguladoras da programación da rede cultural.

No referido á convocatoria de axudas, publícanse a continuación todos os enlaces de interese.

Programa de subvencións dirixido a entidades asociativas agrarias, labregas, gandeiras, forestais e asociacións de cazadores da provincia da Coruña para á realización de actividades durante o ano 2020.

Programa de subvencións dirixido a entidades asociativas agrarias, labregas, gandeiras, forestais e asociacións de cazadores da provincia da Coruña para a realización de investimentos durante o ano 2020

Programa de subvencións a entidades sen ánimo de lucro para realizar actividades culturais durante o ano 2020.

Programa de subvencións a entidades sen ánimo de lucro para realizar investimentos culturais durante o ano 2020.

Programa de subvencións dirixido a entidades sen ánimo de lucro da provincia da Coruña para á realización de actividades de promoción económica durante o ano 2020.

Programa de subvencións dirixido a entidades sen ánimo de lucro da provincia da Coruña para á realización de inversiones de promoción económica durante o año 2020

Programa de subvencións para corais polifónicas, bandas de música populares, entidades de música e baile tradicional galego e formacións musicais de gran formato da provincia da Coruña, para o desenvolvemento de actividades culturais durante o ano 2020.

Programa de subvencións para corais polifónicas, bandas de música populares, entidades de música e baile tradicional galego e formacións musicais de gran formato da provincia da Coruña, para a realización de investimentos culturais no ano 2020.

Programa de subvencións a entidades sen fins de lucro para o desenvolvemento de programas de políticas de igualdade de oportunidades entre mulleres e homes e loita contra a violencia de xénero no ano 2020.

Rede cultural

Por outra banda, a Deputación Provincial da Coruña vén de modificar as bases reguladoras da programación da rede cultural da Deputación da Coruña e a convocatoria para 2020.

 O Pleno do Concello de Rois aprobou hoxe a moción do Partido Popular na que se pide ao presidente do Goberno de España que compareza para dicir o que vai facer e explicar o pacto cos independentistas que lle permitiu chegar á Moncloa. A iniciativa foi aprobada cos votos a favor do goberno local (7) e en contra dos socialistas (3 votos), que criticaron o contido da moción..

Na primeira sesión ordinaria do ano, o pleno rexeitou cos votos do PP a moción socialista que lle reclamaba á Xunta de Galicia unha maior limpeza dos ríos e regatos e que se acompañe de dotación económica o traspaso aos municipios dos tramos urbanos dos ríos e regatos. Dende o goberno local explicaron que Augas de Galicia xa está limpando os cursos dos ríos do municipio e animaron aos socialistas a debater esta moción no Parlamento de Galicia.

A outra moción socialista reclamando a elaboración dun plan municipal de igualdade e fomentar a formación en igualdade da veciñanza e dos representantes políticos, que defendeu Patricia Ces tamén foi rexeitada. O alcalde, Ramón Tojo, respondeulle que o Concello levaba dende 2019 traballando xa nun plan de igualdade e que todas as accións que se desenvolven dende o Concello xa contemplan medidas de igualdade entre homes e mulleres.

sesión rematou co punto de rogos

      • Quedaron ratificados definitivamente o Regulamento Orgánico da Corporación, a desafectación dun camiño en Liñares e o convenio con Aluminios Cortizo

      • A ordenanza para a concesión de licenzas de taxi foi ratificada por unanimidade

 O Concello de Rois aprobou hoxe nun pleno extraordinario o orzamento municipal para o presente exercicio, que ascende a 3,7 millóns de euros. Na sesión, quedaron ratificados definitivamente o Regulamento Orgánico da Corporación, a desafectación dun camiño en Liñares e o convenio con Aluminios Cortizo, ademais da conta xeral de 2018. Por unanimidade, quedou aprobada inicialmente a ordenanza para a concesión de licenzas de taxi e vehículos de aluguer (vídeo íntegro da sesión neste enlace)

Rois incrementa este ano os orzamento, en algo máis do dous por cento respecto do ano pasado. Dos 3,7 millóns de euros, destinará 616.807 a inversións reais e 1,85 millóns a bens correntes e servizos que dende o Concello se prestan á veciñanza. Os gastos de persoal representan un millóns de euros, unha partida que se incrementa lixeiramente, debido a municipalización do servizo de axuda no fogar, para o que se contratarán seis novas traballadoras. Para gastos financeiros só están contemplados 2.200 euros e 140.000 para transferencias correntes

No apartado de ingresos, o Concello de Rois recibirá 1,77 millóns de transferencias correntes procedentes doutras administracións, sendo esta a partida máis importante. Por impostos directos está previsto recibir 828.000 euros e outros 450.000 de impostos indirectos, así como 389.000 de taxas e outros ingresos. En operacións de capitán están consignados 257.990 euros.

O orzamento aprobouse cos votos a favor do PP (7) e en contra do PSOE (3). 

A aprobación da conta xeral de 2018 tamén foi aprobada cos votos do equipo de goberno e a abstención dos socialistas.

Por unanimidade aprobouse inicialmente a ordenanza fiscal reguladora da taxa por concesión de licenzas de taxi e demais vehículos de aluguer. Rois conta actualmente con catro licenzas de taxi, e está previsto ofertar dúas ou tres máis, algunha delas para vehículos adaptados a persoas con mobilidade reducida, segundo explicou o alcalde. 

Con esta ordenanza pretende regular non só a nova concesión, senón tamén a transmisión das actuais licenzas. A norma, que se someterá a exposición pública, establece unha taxa de 300 euros para a concesión de novas licencias, de 150 para a transmisión en caso de falecemento do titular, e de 1.500 se a transmisión se fai en vida.

A aprobación definitiva da desafectación dun camiño en liñares foi aprobada con 8 votos a favor (o PP e o socialista José Manuel Iglesias) e os votos en contra dos socialistas Manuel Regueira e Patricia Ces, que amosaron as súas dúbidas sobre como se desenvolveu este procedemento.

O convenio con Aluminios Cortizo foi aprobado definitivamente por unanimidade da Corporación, mentres que o Regulamento Orgánico da Corporación saiu adiante cos votos do equipo de goberno e en contra do grupo socialista.

20200212 Pleno Rois web

 

O Pleno do Concello de Rois aprobou hoxe por unanimidade as obras do Plan Único de concellos da Deputación da Coruña por importe de 950.000 euros. No plan POS+ o equipo de goberno propuxo instalar herba artificial no campo de fútbol de Urdilde, cun investimento de 432.457 euros.

O Plan complementario inclúe investimentos por un total de 510.657 euros, no que figuran o afirmado e acondicionamento de pistas en Oín, Asneiros e A Eirexa, por 46.138 euros.

O afirmado e acondicionamento das pistas no Pazo e de Cernán a Vilariño (56.947 €), e o da pista que vai da AC-301 a Socastro (56.947 €), o da AC-301 a Leroño e A Casa do Vento (115.730€) tamén entran no complementario, ao igual que o afirmado e acondicionamento de pista de Rubieiro a Socasto e o das estradas de Vilachán a Ponte de Pedra (65.168 €). O afirmado e acondicionamento de pistas en Seaxe e Moares, por 69.850 euros, completan o plan complementario.

No pleno, tanto o grupo popular como o socialista votaron a favor destes investimentos (a edil do BNG non puido asistir á sesión), ao coincidiren na importancia de acometer estas obras. A única discrepancia foi na forma de financiar o investimento no campo de fútbol de Urdilde, xa que dende o PSdeG reclamaban que debía telo feito a Xunta, e o alcalde replicoulle que o presidente da Deputación non quixo firmar ningún convenio de colaboración co Concello de Rois (como fixo con outros, como o de Ames), “e só nos deixou esta opción do POS+”, dixo Ramón Tojo.

O vídeo do Pleno pode verse premendo nesta ligazón.