20200701 CompostaxeO Concello de Rois lanza unha campaña de formación para a elaboración de compostaxe doméstica. A programación comeza este venres, 3 de xullo, cun curso monográfico gratuíto de dúas horas de duración. O Concello conta coa colaboración das asociacións municipais na difusión desta iniciativa, coa finalidade de formar á veciñanza no proceso correcto de creación de compost.

O primeiro curso monográfico de compostaxe realizarase no edificio multiúsos de Rois entre as 19.00 e as 21.00 horas. As persoas asistentes poderán coñecer polo miúdo o proceso de compostaxe doméstica e recibirán de balde un manual e un composteiro doméstico co que poñer en práctica os coñecementos adquiridos.

Esta actividade ten límite de prazas, polo que é preciso anotarse con antelación a través das asociacións municipais ou ben no Concello, chamando ao teléfono 981 804 109 ou enviando un correo electrónico a Este enderezo de correo está a ser protexido dos robots de correo lixo. Precisa activar o JavaScript para velo. no que se indiquen os seguintes datos: nome e apelidos, DNI, enderezo e teléfono. As prazas asignaranse por orde de inscrición.

Aínda que estaba previsto iniciar esta campaña con anterioridade, a situación derivada da pandemia de Covid-19 obrigou a suspendela. Agora, o Concello retoma a iniciativa con esta primeira actividade, á que seguirán futuras intervencións formativas nesta materia. Ademais da cooperación coas asociacións veciñais de Rois, a campaña conta coa colaboración da Oficina Española de Cambio Climático, do Ministerio para a Transición Ecolóxica e o Reto Demográfico.