Marianas Herbogo Rois5 web

O grupo amesá Maianas achegouse onte ata a parroquia de Herbogo para presentar o seu novo disco, ‘De trisca!’, e inaugurar o programa ‘A cultura dispersa por Rois’, co que o Concello quere colaborar coa promoción da cultura popular polas parroquias nun verán atípico marcado pola pandemia da covid-19.

O tenente de alcalde, Manuel dos Santos, presentoulle este programa á veciñanza presente no campo da festa de Herbogo, que está a celebrar o San Pedro dun xeito diferente. Dos Santos destacou o apoio que dende o Concello de Rois se lle está dedicando á cultura, neste caso propoñendo actuacións por todas as parroquias durante este verán.

A primeira destas propostas foi o grupo Maianas, que chegaron a Rois cunha proposta fresca e nova, na que as pandeireteras e as voces das artistas complementáronse con outros instrumentos como a gaita, a guitarra e outras percusións. 

Maianas, grupo de Ames formado por cinco mulleres, presentou en Herbogo temas propios festeiros e versións de cancións populares na presentación do seu novo traballo, ‘De trisca!’. Esta actuación enmárcase no programa da Rede Cultural da Deputación que solicitou o Concello de Rois.

Para cumprir coas normas sanitarias e evitar a propagación da covid-19, o Concello tomou todas as medidas necesarias, con acotamento do espazo, entradas e saídas diferenciadas, colocación de cadeiras e xel hidroalcólico para as setenta persoas que presenciaron o espectáculo. Dende o Concello agradecen a colaboración da comisión de festas de Herbogo, así como a de toda a veciñanza da parroquia.

Marianas Herbogo Rois7 web

  • Delimitadas áreas de seguridade na piscina municipal que terá un aforo máximo de 117 persoas

  • Abre de luns a domingo de 16.00 a 21.00 ata o 31 de xullo e de 16.00 a 20.30 horas no mes de agosto

  • A Xunta autoriza o baño na praia fluvial de Seira e cualifica a auga de calidade boa

  • O Concello desinfecta os parques infantís e biosaudables para que poida gozar a cativada e as persoas maiores

 

 20200626 Piscina Senra

O Concello de Rois abre mañá a piscina municipal de Senra, que contará cun aforo máximo de 117 persoas para garantir as medidas sanitarias e de seguridade imposta pola pandemia da covid-19, e informa de que a Xunta de Galicia xa autoriza o baño na praia fluvial de Seira, que conta con auga de boa calidade, segundo os últimos análises feitos pola Consellería de Sanidade. Os parques infantís e biosaudables están sendo desinfectados periodicamente para ser usados pola cativada e as persoas maiores.

Cun aforo máximo de 117 persoas e zonas delimitadas para os participantes, mañá inaugurase a temporada na piscina municipal de Senra, que estará aberta todos os días da semana de 16.00 a 21.00 horas ata o 31 de xullo. No mes de agosto a instalacións pechará ás 20.30 horas.

Os menores de 12 anos deberán estar sempre acompañados por un adulto na instalación da piscina, na que se vai esixir respectar a distancia interpersoal de seguridade de 1,5 metros. Para elo delimitáronse xa espazos nas zonas para tomar o sol.

20200626 PraiaFluvial Seira

Ademais da piscina, a veciñanza de Rois poderá gozar tamén na praia fluvial de Seira, despois de que Consellería de Sanidade autorizase o baño nesta zona despois das últimas analíticas realizadas. A calidade da auga é boa, segundo a Xunta.

Parques infantís e biosaudales

20200626 ParqueInfantil Rois

Por outra banda, persoal do Concello está a desinfectar todos os díuas pola mañá os parques infantís e biosaudables que hai no municipio, segundo a normativa establecida para evitar a propagación da covid-19.

Nos últimos días estivéronse desinfectando os parques infantís de San Miguel da Costa, o da escola unitaria dos Dices (Rois), Lamego e A Devesa (Seira), xunto ao local da Asociación de Mulleres Rurais (Urdilde), na escola unitaria de Vilachán (Augasantas) e Sorribas, o de A Gandariña (Ribasar) e o da aldea de Silvarredonda (Buxán).

Os parques biosaudables que están desinfectándose con regularidade son os da Gandariña (Ribasar), a escola unitaria dos Dices (Rois) e o do Pumar (Urdilde).

20200626 ParqueBiosaudable Rois

  • Pecharon o curso escolar 2019-20 con 27 actuacións a través da canle de Facebook do Concello que contou con numerosos seguidores

  • A maioría das actuacións foron en directo nunha retransmisión na que a profesora de chelo Elena Domínguez explicou os beneficios de estudar música

  • Hoxe actúa o alumnado adulto, que ofrecerá outro concerto virtual en Facebook a partir das 20.00 horas

 

A Escola Municipal de Música (ESMU) de Rois ofreceu onte o seu primeiro concerto virtual co que o alumnado máis novo despediu o curso 2019-2020 con 27 actuacións, a maioría delas en directo. A iniciativa contou con numerosos seguidores na canle de Facebook do Concello de Rois. O vídeo do concerto pódese ver tamén na canle de Youtube de Concello de Rois (neste enlace).

A pandemia da covid-19 impediu que, como todos os anos, alumnado e profesorado da ESMU de Rois puidese ofrecer o tradicional concerto de fin de curso no que amosa o avance dos preto de setenta alumnos que reciben formación na escola dirixida por Manuel Villar. 

A pesar do confinamento, a ESMU de Rois seguiu dando clases en liña e decidiron ofrecer dous concertos virtuais a través da canle de Facebook do Concello para despedir o curso. Onte, sábado, foi a quenda ao alumnado de menor idade. En total foron 27 actuacións, a maioría delas en rigoroso directo, coa que remataron este curso.

Durante o concerto, de cincuenta minutos de duración, a profesora de violonchelo Elena Domínguez foi presentando aos participantes, ao tempo que explicaba os beneficios que reporta estudar música.

Esta iniciativa pioneira en Rois contou cun grande respaldo dos seguidores da canle de Facebook do Concello, ao acumular máis de 500 reproducións aos poucos minutos de rematar o concerto.

Hoxe, domingo, actuará o alumnado adulto, noutro concerto virtual que tamén comezará ás 20.00 horas na canle de Facebook do Concello de Rois, e no que tamén haberá intervencións dalgún dos profesores, como é habitual todos os anos.

  • Coa actuación desta tarde a través do Facebook do Concello a ESMU da por concluído o curso 2019-2020

  • A profesora de chelo Elena Domínguez explicou os beneficios de estudar música

  • O alcalde felicitou aos participantes no concerto de onte e no de hoxe e recordou que o prazo de matrícula está aberto ata o 3 de xullo

A Escola Municipal de Música (ESMU) de Rois ofreceu esta tarde o segundo concerto virtual co que o alumnado adulto despediu o curso 2019-2020 cunha vintena de actuacións, catro delas en directo. A iniciativa contou con numerosos seguidores na canle de Facebook do Concello de Rois, na que se retransmitiu en directo. O vídeo do concerto pódese ver tamén na canle de Youtube de Concello de Rois (neste enlace).

A pandemia da covid-19 impediu que, como todos os anos, alumnado e profesorado da ESMU de Rois puidese ofrecer o tradicional concerto de fin de curso no que amosa o avance dos preto de setenta alumnos que reciben formación na escola dirixida por Manuel Villar. 

A pesar do confinamento, a ESMU de Rois seguiu dando clases en liña e decidiron ofrecer dous concertos virtuais a través da canle de Facebook do Concello para despedir o curso. Onte, sábado, foi a quenda ao alumnado de menor idade (con 27 actuacións). Hoxe, domingo, interveu o alumnado de maior idade, nun concerto que durou case unha hora.

Durante o concerto, a profesora de violonchelo Elena Domínguez volveu insistir nos beneficios que reporta estudar música, e animou a pequenos e maiores a anotarse na Escola de Municipal de Música antes do 3 de xullo, cando remata o prazo de matrícula para o curso 2020-2021.

O alcalde, Ramón Tojo, agradeceu a alumnado e profesorado o esforzo e a iniciativa de ofrecer estes dous concertos en director a través das redes sociais, nunha situación complexa como a provocada pola pandemia da covid-19. 

Esta iniciativa pioneira en Rois contou cun grande respaldo dos seguidores da canle de Facebook do Concello, ao acumular máis de 500 reproducións aos poucos minutos de rematar o concerto. O concerto infantil do sábado superior as 1.000 reproducións.

O concerto infantil da ESMU de Rois pódese ver no seguinte vídeo

 

Venres 19 de xuño de 2020

O Concello de Rois fai público o listado definitivo de nenos e nenas admitidas no Diververán 2020.

O listado pódese consultar no documento adxunto.

Para solventar todas aquelas dúbidas que poidan xurdir en relación ao listado ou ao procedemento, as persoas interesadas deberán enviar un correo electrónico a Este enderezo de correo está a ser protexido dos robots de correo lixo. Precisa activar o JavaScript para velo.

Xoves, 11 de xuño de 2020

O Concello de Rois fai público hoxe o listado provisional de nenos e nenas admitidas no programa de conciliación Diververán 2020 que se vai celebrar durante os meses de xullo e agosto. A listaxe pódese consultar no documento adxunto.

Para confirmar a praza é preciso realizar o pagamento da taxa correspondente antes do 18 de xuño, facendo o ingreso na conta de Abanca número: ES64 2080 0328 9631 1000 0060.

A hora de facer o pagamento, é preciso que no concepto se indique claramente Diververán 2020 e o nome e apelidos do neno ou nena que vai participar.

Antes das 18.00 horas do día 18 de xuño deberá enviarse o xustificante de pagamento por correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo.. Tamén se pode deixar o xustificante na caixa de correos do edificio multiúsos de Rois.

 A lista definitiva de participantes fase pública o venres 19 de xuño. Unha vez publicada a lista definitiva, enviarase ás familias o resto de documentación que é preciso formalizar para completar a inscrición no programa, así como os protocolos establecidos para adaptarse á situación ocasionada polo COVID-19.