20191111 Pictogramas4O Concello de Rois deu onte un paso máis no camiño cara a accesibilidade universal ao adaptar un colexio electoral con pictogramas e información accesible para todas as persoas, con e sen discapacidade. A asociación AMIPA, a través de Fademga Plena Inclusión Galicia, foi a promotora desta acción que fixo que o local social de Sorribas se convertira en pioneiro na comarca do Sar.

A xornada electoral deste pasado domingo 10 de novembro fixo historia no Concello de Rois ao contar por primeira vez cun colexio adaptado a todas as persoas. Deste xeito, veciños coma Isabel (imaxe) puideron exercer o seu dereito a voto nun local cun pictograma informativo na entrada do edificio, que se complementou con outros gráficos de apoio indicando a situación da mesa electoral, das papeletas, das urnas e das cabinas. O obxectivo desta medida, ademais de camiñar cara a accesibilidade universal, é extenderse a todos os colexios de cara as seguintes citas electorais.

20191107 OportoO vindeiro día 25 celebrase o Día Internacional contra a Violencia de Xénero, polo que o Concello de Rois organiza diferentes activiades dirixidas a mulleres para conmemorar unha data tan sinalada. As veciñas roisenses maiores de idade empadroadas no municipio poderán participar nos obradoiros de ioga e defensa persoal, que se desenvolverán os días 9 e 29 de novembro respectivamente, e na saída cultural á cidade portuguesa de O Porto prevista para os días 23 e 24 de novembro.

Por unha banda, o sábado 9 de novembro, ás 10.30 horas, o local multiusos de Rois acollerá un obradoiro de ioga. Por outra, o venres 29 de novembro, ás 18.00 horas, terá lugar o obradoiro de defensa persoal. Ambas as actividades teñen unha duración aproximada dunha hora e media, son exclusivas para mulleres maiores de idade empadroadas en Rois e son totalmente gratuítas.

O prato forte da programación chegará entre o 23 e 24 de novembro coa saída cultural a O Porto, Portugal, e pobos do seu arredor. As prazas son limitadas e seleccionaranse por orde de inscrición. O prazo para anotarse é do 11 ao 15 de novembro, ambos incluídos, e farase no Departamento de Servizos Sociais, ou na oficina municipal de Urdilde, presentando o DNI e o xustificante de pagamento dos 64 euros (por persoa) que custa a viaxe na conta que aparece no arquivo axunto a continuación.

Igual que no resto de actividades, as mulleres interesadas en participar deberán estar empadroadas no Concello de Rois e ser maiores de idade, mais neste caso tamén teñen que contar coa Tarxeta Sanitaria Europea.

20191029 Clausura Terras Iria V web

O director xeral de Orientación e Promoción Laboral, Pablo Casal, clausurou onte o Programa Integrado de Emprego (PIE) Terras de Iria V promovido polos concellos de Dodro, Padrón e Rois. A iniciativa permitiu que 65 persoas atopasen un posto de traballo das 100 que recibiron unha formación de calidade para facilitar a súa inserción sociolaboral en sectores como o metal, o comercio, a hostalería e os servizos. Rois, Padrón e Dodro porán en marcha o PIE Terras de Iria VI cunha achega da Xunta para as anualidades 2019-2020.

No acto de clausura, celebrado onte no concello de Dodro, estiveron presentes os alcaldes de Dodro, Francisco Xabier Castro Tourís, e o de Rois, Ramón Tojo Lens, así como o tenente de alcalde de Padrón, Ángel Rodríguez Conde, e o concelleiro de emprego de Dodro, Abel Tarrío Abuín.

O programa integrado de emprego combina a formación con acceso a un certificado profesional con actividades de orientación e asesoramento individualizado, intermediación laboral e acompañamento na procura de emprego, obradoiros de motivación, así como formación transversal en novas tecnoloxías e idiomas. Nestes momentos, 65 das persoas participantes xa se atopan traballando, unha cifra que permite ao PIE Terras de Iria V superar a ratio de inserción laboral que establece a Xunta de Galicia, como xa aconteceu tamén en edicións anteriores.

Pablo Casal explicou que Galicia está desenvolvendo 40 programas integrados co compromiso de acadar unha inserción do 35%. Ademais, insistiu na aposta pola formación que representa unha prioridade para a Xunta, ben para persoas ocupadas ou ben para desempregadas, co obxectivo de crear máis e mellor emprego para toda Galicia.

Para rematar, o director xeral salientou a importancia de adaptar as cualificacións aos perfís profesionais que precisan as empresas para competir, crecer e xerar emprego de calidade. Neste senso, destacou a cooperación entre a Xunta, concellos e entidades para acadar o máximo proveito dos programas integrados de emprego.

A xornada rematou coa exposición dun vídeo a modo de resumo das diferentes accións realizadas polos participantes e a entrega de diplomas.

20191106 VIII Programa Apioio Empresas AgroalimentariasA Fundación Juana de Vega organiza o seu VIII Programa de Apoio a Empresas Agroalimentarias co obxectivo de axudar a quen queira poñer en marcha un proxecto empresarial ou precise asesoramento na súa empresa. A orientación contará de tres modalidades de orientación: emprendemento, consolidación e crecemento. O prazo de inscrición remata o 30 de novembro.

A Fundación pretende axudar ao desenvolvemento de empresas existentes e novas iniciativas empresariais nos ámbitos agroalimentario, forestal, marisqueiro e pesqueiro de Galicia, así como proxectos de base tecnolóxica e servizos relacionados cos anteriores.

Tanto se queres poñer en marcha unha idea de empresa agroalimentaria, como se a túa empresa precisa dun impulso e non tes recursos para reconducila, ou se desexas iniciar unha nova liña de negocio na túa compañía, ou xerar unha nova proposta de valor, o Programa de Apoio a Empresas Agroalimentarias é o teu mellor aliado.

Inscríbete e consulta máis información na páxina web www.juanavega.org ata o 30 de novembro.

20191024 cartel xornada empresariaDende o Programa Integrado de Emprego Terras de Iria V, subvencionado pola Consellería de Economía, Emprego e Industria da Xunta de Galicia, realizarouse unha "Xornada sobre experiencias empresariais" onde o asesor de empresas Manuel Montenegro, de MG Asesores, deu a coñecer as axudas e subvencións para as persoas emprendedoras; Víctor Rodríguez, de Nube de Ockham, explicou a importancia do márketing e imaxe de empresa dixital; e Brenda Hermida, que falou da súa experiencia emprendedora coa posta en marcha do seu negocio Vaia Pelos Peluquería Canina. A xornada contou tamén coa presenza do concelleiro de Emprego, Abel Tarrío Abuín, e foi clausurada polo alcalde de Dodro, Francisco Xabier Castro Tourís.