20190621 ALI4639

Os alumnos e alumnas que acoden ás escolas deportivas municipais en Urdilde participaron esta mañá na exhibición que serviu para amosarlle aos familiares presentes e compañeiros do CEIP O Pumar todo o que aprenderon. Houbo exhibicións de hóckey dos máis cativos que acoden a predeporte; de patinaxe, judo, fútbol sala e bádminton.

Con esta xornada festiva, que coincidiu ademais coa festa de fin de curso que organizou no colexio a ANPA Urcael, o Concello de Rois clausurou as actividades das escolas deportivas municipais correspondentes a este curso. Unhas escolas nas que participaron este ano máis de 120 nenos e nenas.

Podes ver o album de fotos no Facebook do Concello de Rois (neste enlace)

20190621 ALI4582