• Está dirixido a mozos e mozas de Rois, Padrón e Dodro
  • Os interesados teñen que estar en paro e inscritos no Sistema de Garantía Xuvenil 
  • Teñen de prazo ata o 21 de setembro para inscribirse cos códigos 340, 320 e 370 no Servizo de Emprego Público

20190813 Obradoiros Garantía Xuvenil 2019

O Concello de Rois por en marcha unha nova iniciativa para facilitar a incorporación ao mercado laboral de mozos e mozas de entre 18 e 30 anos que estean desempregados. Conveniado con Padrón e Dodro, Rois promove o obradoiro de emprego Xuventude en Acción 2020, para formar a 10 alumnos traballadores durante un ano na confección e publicación de páxinas web.

O programa está dirixido a mozos e mozas de 18 a 30 anos que estean inscritos no Programa de Garantía Xuvenil e no Servizo de Emprego Público cos códigos 340, 320 e 370. O prazo para inscribirse no INEM remata con estes códigos remata o 21 de setembro.

O alumnado-traballador deberá ter o Graduado de ESO ou o certificado de Competencias clave de nivel 2 e estar censado en Rois, Padrón e Dodro. Proximamente daranse a coñecer as bases deste obradoiro de emprego..

O obradoiro de emprego Xuventude en Acción 2020 está financiado pola Consellería de Emprego e Igualdade, e a Unión Europea, a través do Fondo Social Europeo, Programa Operativo de Emprego Xuvenil. Ten como finalidade a formación e inclusión laboral da xuventude. Na parte práctica, os participantes formaranse no deseño de webs ampliando a páxina Coñece Terras de Iria.

20200718 Jose Veiga Gandarela 101 anos3José Veiga Gandarela, veciño de Cabanela, en Urdilde (Rois), recibiu onte unha agasallo especial para celebrar o seu 101 aniversario. O alcalde de Rois, Ramón Tojo, e o tenente de alcalde, Manuel dos Santos, achegáronse a súa casa para regalarlle unha medalla conmemorativa do Concello.

José Veiga vive co seu fillo e señora en Cabanela e goza dun bo estado de saúde. Onte estivo conversando durante bastantes minutos co alcalde sobre diferentes temas. Ao rematar a visita, tanto Ramón Tojo como Manuel dos Santos desexáronlle que siga cumprindo moitos anos máis para seguir conversando con el.

  • O Concello promove un vídeo para reactivar o comercio

  • “Somos esenciais para darlle vida ao pobo”, afirma unha das protagonistas

  • Ramón Tojo: “Apostemos polos pequenos negocios para facer un Rois con mellor futuro”

 

Gandeiros, comerciantes e empresarios de Rois recórdannos que teñen a “medicina” para superar esta crise, buscar solucións para o futuro, compartir mesa ou brindar por todo o que está por vir sempre que se busquen solucións conxuntas. “O comercio local es ti”, recordan os protagonistas do vídeo co que o Concello de Rois quere axudar a reactivar o comercio local.

 Empresarios e comerciantes recórdannos neste vídeo de dous minutos que o comercio local está sempre preto para brindar un sorriso, ofrecer produtos de proximidade e de primeira calidade, para coidarnos “por dentro e por fora” e buscar xuntos “as sinais de recuperación”.

“Somos esenciais para darlle vida ao pobo. Máis que veciños, somos unha gran familia”, afirman dúas das protagonistas deste vídeo, no que participan unha ducia de comerciantes e empresarios, dispostos a compartir “novos soños e brindar polo que está por vir”.

Con este audiovisual, e como insistentes empresarios e comerciantes, dende o Concello recálcase que todos e todas formamos parte do comercio local. “Agora máis que nunca apostemos polos pequenos negocios para facer un Rois con mellor futuro”, afirma o alcalde, Ramón Tojo.

Dende o día 1 de xullo pódese solicitar no departamento de Servizos Sociais do Concello de Rois a Tarxeta Moedeiro, para que aquelas familias en situación de vulnerabilidade económica pola crise da covid-19 poidan adquirir produtos de alimentación, hixiene e farmacia.

Segundo o acordo acadado entre a Xunta de Galicia e a Cruz Vermella, é esta entidade quen entrega a tarxeta. Ten unha contía que oscila entre os 450 e os 900 euros trimestrais, en función do número de membros da unidade familiar. A tarxeta pode ser recargada mensualmente durante 3 meses.

O seu uso está limitado a establecementos de alimentación, hixiene e farmacia. Para a xustificación é imprescindible o gardado dos tickets ou facturas dos establecementos. Para unha información máis detallada prema no enlace do arquivo adxunto.

20200602 Ficha9 MemoriaChega xuño e con el a despedida de fin de taller.

Este ano vai ser diferente pois non podemos despedirnos fisicamente en persoa, nin darnos apertas nin biquiños. Pero si podemos virtualmente, e dende o meu corazón aí van, para todas e todos sen excepción porque sodes incribles. Aprendín moito con vos, das vosas historias, das vosas sabedorías (aínda que sempre me digades que non sabedes moito, que non é certo) para min sodes persoas moi sabias, pero sobre todo síntome moi orgullosa de ter camiñado con vos estes cursos. Dende o primeiro ata o derradeiro día, porque pouco a pouco fomos medrando; aínda que o final non foi doado. Eu sei que para vos foi un gran esforzo ter que facer as fichas a través da rede, non solo porque para moitos é algo descoñecido e complicado senón tamén polos medios que tiñamos que usar (tablets, rede...) que non sempre é posible. Tampouco é doado facelas sen dar unha explicación oral, nin aclarar dúbidas, sen dar pistas, sen poder botar unha ollada a compañeira ou compañeiro do lado (jaja)... Tamén nos faltaron estes últimos meses as risas e charlas (ás veces máis serias outras non tanto), porque non todo vai ser facer fichas, pois o falar tamén é terapéutico; sobre todo cando se fai con persoas que saben moito, que sempre ten un consello, unha boa palabra, unha visión distinta da vida que nos fai reflexionar...

Tamén dar as grazas ó concello (sempre dispostos a escoitarnos) por darnos a opción de imprimilas e mandalas por correo ordinario para que así chegaran a todas e todos, e resultara mais cómodo.

Tamén agradecer as vosas palabras (tanto nas mensaxes por wasap como por teléfono), facedes o meu traballo moi doado e pracenteiro.

Dicir que os que non mandastes foto das fichas feitas, podedes gardalas, mesmo nos sobres en que vos chegan, e para setembro botámoslle unha ollada (sempre que así o queirades por suposto). Porque si, para setembro esperamos volver xa coa nova normalidade e as novas medidas que traerá, porque a saúde é o mais importante, é sobre todo a vosa.

Remato cunha das frases que tanto me gusta compartir con vos, neste caso un proverbio escocés que vin por aí estes días:

O SORRISO CUSTA MENOS QUE A ELECTRICIDADE E DÁ MAIS LUZ, 😊